Ko tembiapo ojegueroguata ojehechakuaaa haçua guaraní ñembo’e ñe’ë moköiháramo (L2) mbo’ehao Escuela Básica No 6851 privada Santa Magdalena-pe. Oñemba’eporandu mbo’eharakuérape guaraní ñembo’ére upe mbo’ehaópe, ha oñemba’apo temimbo’ekuéra ndive ojepuruhápe tapereko, aporeko ha tembipuru iñambuéva umi ojepurúva jepivegua, oñembo’ehápe guarani ñe’ë moköiháramo, oñeikümby haçua oñehendúva ha oñeñe’ë haçua. Oñehesa’ÿjo ha oñeikümby rire marandukuéra: Ojehechakuaa mbo’eharakuéra omopyendaha ñe’ë ñembo’e enfoque comunicativo-pe, ojerureháicha programa curricular, Paraguái sistema educativo-pe. Omonei hikuái guaraní ñe’ë ñembo’e ñe’ë moköiháramo, upe mbo’ehaópe mitänguéra ñe’ë peteïha ha’e castellano. Oipuru aranduka, ohenduka jepi avei purahéi, mombe’urä, maravichu ha mba’e. Oikotevë umi tembiporu pukoe CD-re, DVD ha infocus ha mba’e omokyre’ÿ haçua mitänguérape. Ojehechakuaa ko’ä tapereko, aporeko ha tembipuru iñambuéva umi ojepurúva jepiveguágui oipytyvö mbarete temimbo’ekuérape imbo’epyhápe. Omba’apo kyre’ÿme, ndojehechái hesekuéra otïha térä iñate’ÿha, oñeha’ä ombohyapu ñe’ë oikuaa pyahúva ha omombe’u oikóva moñe’ëräme ta’anga pytyvö rupive. Ovy’aiterei ohechárö ta’angamýi, upéicha avei ojapysaka porä ohendúvo purahéi ha oñemba’emombe’úva.