Preparación y uso de la medicina natural con el ajo de monte

Abstract

Nani keweñomo Toñampade kedanimpa omede bimo anobay ongiñenani tono onkiyenani eñenani nangi in kete waa baki impa omede bimo. Omede bimo wiyeñao ongompa awekabode poni iñomo; mani kedi impa wenenani dodani, pikenani kedanipa enonte oñabo wiyeñao bedanimpa wiwa badabay inkete ante waa kiwingi beye daikawoko badabay.

Enongi wiyañaome omede ongo, tano poni gedanimpa oñaboidi aye enonke kedanipa tome wante wante edemo eyepe tome kaki ganka beki tomeme. Maninke cowen bimo bete kewengadanimpa tomemona memeidi waa inte win kowode bimo bekente ante ponenamay piyene kete tein piyente kewegadinimpa dodani gikene.

Ñowopamodani gikene edenani tono wiyenani win ponenanipa omede bimo wiyeñao waodani, mani beye ponente yewemontamonapa yewemonte amona ate win ponenmay monato memeidi kedi godomenke kekedaminpa eñegimamo nani nente kewengi beye. Nani keweñomo toñampade ñowo pamo gikene kedanimpa kowode bimoke ante ponente tiyeponi ganke bakimpa, ponekadamay bedanimpa kowema wante iyo wante iyo bedani ate aya wiwa badonke kepa tomenani ayako.

Kowode bimoke bete beyeke memeidi neni omede bimo win ponenanipa. Wempodani odomonamay inanipa nano wedani inanite ebano kete bike in ante bimo kete manomay kete beyenke daikawo maninke ebano kete waa tiñe bakimoni ante ponenamay inanipa .tome yedegade onko bimo keyomo gikene impa egakame poni nani keweñomo dee ampa nani gonte bête kiwigiñomo. Toma monato ate yewemoniganka bee tamonapa yewemonte tomako nani keweñomo enedenai anobay wiyenani aye wadani ekano edenenani iñomo mani geña kete eñegimoni mani monato ponente kedi wiyeñao gameno ante.