| dc.description.abstract | Ashaengi mingae atesu’chuma ñutshe tsa CECIB” CRISTOBAL TAPUY tsa comuna zabalo’su daya’chuve, va sema’chuta tsu jaingaeja ña’me fuiteya comunama tuya’kaen atesian’jen’chuma, va monografia ñutshe sumbuya’chuve tsun’chuta tsu kuenzandekhu kundase’chu tuya’kaen yayakhashendekhu, atesu’fa’chu, nasundekhu tuya’kaen pa’khu comuna’sundekhu, tsendekhu tsu pa’khuma atesu’chundekhu, tise’pa atesu’pai’khu tsu ñama fuite’fa, vana gi pa’khu a’indekhu tsekhunga ka’niñachune kaentsu ingi atesu’je’chuni jinchuya’chune atesusundekhune, atesiansundekhu, kitsandekhu, tisu nakhune, dusungandekhune, chu’a pushesu tisu’paningae kanseya’chune.
Khuangi aya’fave atesu’chu, tsata tsu tayupi kanse’chuma atesuya’chu tsaiki, tansien a’i dushundekhunembi tsu, tsaimbi’tshi a’indekhu a’ta, a’ta tisu atesu’pama fuiteye in’janchundekhui’khu. Tevaen’jema fethakhia’kaengi, ña’me bare’chune, tayupisu kundase’pama atesu’faya, injenge tsu ñutshe kanseye, ña’mejan, a’i kinsetshe kanseya’chune.
Jaingaeta tsu bareya atesu’je’chune fuite’fa’chuja pa’khu kuenzandekhu tise’pa atesu’pama kuenzandekhu tsuvenga an’mbian’chuma kundase’chuja. Tsave jin’chui’khu tsu a’indekhuja tisu’paningae kanse’fa, tsata tsu ingi a’i usha’chuma tisu’paningae an’mbian’chu. | |
